राहुरी ( जनता आवाज ) :- राहुरी तालुक्यातील राहुरी फॅक्टरी येथे वृंदावन कॉलनीमध्ये शिवजयंतीनिमित्त भक्ती – शक्ती कीर्तन महोत्सवाचे आयोजन करण्यात आले आहे. श्रीशिवाजीनगर येथील शिवबा प्रतिष्ठानच्यावतीने या कीर्तन सेवेचे आयोजन केले आहे.
मंगळवार दि. १४ फेब्रुवारी पासून शनिवार दि. १८ फेब्रुवारीपर्यंत दररोज सायंकाळी ७ ते ९ वाजता या कालावधीमध्ये कीर्तन होणार आहेत. मंगळवार दि. १४ फेब्रुवारी रोजी ह. भ. प. अंकुश महाराज जगताप ( नेवासे ), बुधवार दि. १५ रोजी ह. भ. प. अशोक महाराज इदगे ( आळंदी ), गुरुवार दि. १६ रोजी ह. भ. प. संजय महाराज कावळे ( आळंदी ), शुक्रवार दि. १७ रोजी ह. भ. प. प्रदीप महाराज नलावडे ( सातारा ), शनिवार दि. १८ रोजी महंत उद्धवजी महाराज मंडलिक ( नेवासेकर ) यांची कीर्तने होणार आहेत.
देवळाली प्रवरा व राहुरी फॅक्टरी पंचक्रोशीतील तसेच राहुरी तालुक्यातील भाविक, भक्त, वारकरी यांनी या कीर्तनश्रवणाचा व महाप्रसादाचा लाभ घ्यावा असे आवाहन शिवबा प्रतिष्ठानच्यावतीने करण्यात आले आहे.
