टाकळीभान, ( वार्ताहर ) श्रीरामपूर तालूक्यातील टाकळीभान येथे अज्ञात चोरट्यांनी दुकाना समोर लावलेले अंदाजे २५ हजार रूपये किंमतीचे सी सी टी व्ही कॅमेरे चोरून नेल्याने टाकळीभान येथे खळबळ उडाली आहे.
टाकळीभान— येथे विविध ठिकाणच्या दुकाना समोरील सी सी टी व्ही कॅमेरे चोरट्यांनी चोरून नेले असून एका चोरट्याचे छायाचित्र सी सी टी व्ही फुटेजमध्ये कैद झाले आहे.
दिनांक ४ फेब्रुवारीच्या रात्री अज्ञात चोरट्यांनी टाकळीभान येथील सावता टी हाऊस समोर लावलेले चार कॅमेरे, हॉटेल सावता समोरील एक कॅमेरा, अथर्व मेडिकल समोरील एक कॅमेरा, शेतकी कृषी सेवा केंद्रा समोरील एक कॅमेरा व ए टी एम समोरील एक कॅमेरा अंदाजे किंमत २० ते २५ हजार रूपये किंमतीचे असे आठ कॅमेरे चोरून नेले आहे. सी सी टी व्ही फुटेज मध्ये एका चोरट्याचे छायाचित्र कैद झालेले आहे.
टाकळीभान येथील सर्व दुकानदारांनी दुकानात होत असलेल्या चोर्‍या रोखण्यासाठी दुकानात व दुकानाच्या बाहेर सी सी टी व्ही कॅमेरे बसविलेले आहे काल दिनांक ४ फेब्रुवारीच्या रात्री पोलिस स्टेशन पासून हाकेच्या अंतरावर असलेल्या ठिकाणी श्रीरामपूर नेवासा या रस्त्यावर असलेल्या विविध दुकाना समोरील सी सी टी व्ही कॅमेरे अज्ञात चोरट्यांनी चोरून नेले आहे. सकाळी दुकान उघडल्यावर कॅमेरे चोरी गेल्याचे दुकानदारांच्या लक्षात आले. या बाबत पोलिस स्टेशनला कॅमेरे चोरीची तक्रार करणार असल्याचे दुकानदारांनी सांगितले.
