लोणी(जनता आवाज वृत्तसेवा):-दाढ बुद्रुक येथे जनावारांना झालेल्या लम्पि साथरोग आजारची गंभीर दखल घेत पशुसंवर्धन विभागाच्या अधिकाऱ्यांना तातडीने उपाय योजना करण्याच्या सूचना दिल्या.मंत्री राधाकृष्ण विखे पाटील सध्या गावोगावच्या आढावा बैठका घेवून लोकांच्या समस्या जाणून घेत आहेत.
राहाता तालुक्यातील दाढ बुद्रुक येथे गेल्या काही दिवसांपासून लंम्पी आजाराने थैमान घातले आहे याबाबत ग्रामस्थ आणि पशुपालकांनी लम्पि साथ रोगाच्या संदर्भात गांभीर्य निदर्शनास आणून दिले.
पशुसंवर्धन विभागाची जिल्ह्याची आणि पशुसंवर्धन आयुक्त प्रवीण देवरे यांनी या भागात दौरा करत दुध उत्पादकांना लंम्पी आजाराबाबत मार्गदर्शन करून लसीकरण मोहीम हाती घेतली आहे यामुळे पशुपालका मध्ये समाधानाचे वातावरण आहे.
दाढ बुद्रुक येथील दुध उत्पादक शेतकर्यांनी गावात लंम्पी आजाराने धुमाकूळ घातला असुन अनेक जनावरे दगावल्याची गंभीर बाब असल्याने पशुसंवर्धन विभागाने सर्व उपाय योजना तातडीने करण्यच्या सूचना मंत्र्यांनी दिल्या.
पशुसंवर्धन विभागाचे डाॅ.दशरथ दिघे व त्यांच्या टिमने दाढ बुद्रुक गावात पोहोचुन संबंधित लम्पी आजाराने ग्रस्त जनावरांना उपचार सुरू केले तसेच इतर जनावरे या आजाराने बाधीत होवू नयेत म्हणून लसीकरण व उपाय योजना सुरू केलया आहेत. रात्री उशिरापर्यत पशुसंवर्धन विभागाची टिम थेट गोठ्यात जावून मार्गदर्शन करत होती या भागा पशुसंवर्धन आयुक्त डाॅ.प्रविण देवरे, प्रादेशिक पशुसंवर्धन सह आयुक्त नाशिक डॉ. बाबुराव नरवडे, जिल्हा पशुसंवर्धन उपा आयुक्त डॉ. संतोष पालवे, जिल्हा पशुसंवर्धन उप आयुक्त डॉ. सुनील तुंबारे, जिल्हा पशुसंवर्धन अधिकारी डॉ. दशरथ दिघे, सहाय्यक आयुक्त जिल्हा पशुवैद्यकीय चिकित्सालय डॉ. मधुकर राजळे यांनी भेट देत लंम्पी आजार,लसिकरण याबाबत अधिका-यांना सुचना केल्या.
यावेळी विखे पाटील कारखान्याचे संचालक सुनील तांबे ,गोरक्षनाथ तांबे, प्रताप तांबे भाजपाचे मंडल अध्यक्ष योगेश तांबे,सरपंच योगेश सातपुते,उपसरपंच अॅड.नकुल तांबेसंतोष वाणी, संजय गाडेकर, प्रमोद बनसोडे, सचिन वाणी,जितेद्र माळवदे आदी उपस्थित होते.
पालकमंत्री ना. राधाकृष्ण विखे पाटील यांच्या मार्गदर्शनाखाली जिल्ह्यामध्ये लम्पी विषाणूची वाढती प्रकरणे लक्षात घेता, सतर्क राहण्याची गरज आहे. लम्पी त्वचेचा रोग हा गुरांमध्ये पसरणारा विषाणूजन्य रोग आहे. त्यामुळे, जनावरांमध्ये ताप, त्वचेवर गाठी, भूक न लागणे आणि दूध उत्पादन घटणे यांसारखी लक्षणे दिसू शकतात. या रोगाचा प्रसार टाळण्यासाठी, जनावरांची नियमित तपासणी करणे, बाधित जनावरांना वेगळे ठेवणे, आणि शक्य असल्यास लसीकरण करणे आवश्यक आहे.लम्पी विषाणू वाढल्यास जनावरांमध्ये ताप, त्वचेवर गाठी, नाक आणि डोळ्यातून पाणी येणे, तसेच भूक न लागणे यांसारखी लक्षणे दिसल्यास त्वरित पशुवैद्यकीय अधिकाऱ्यांशी संपर्क साधा.लम्पी त्वचेच्या रोगासाठी लसीकरण हा प्रभावी उपाय आहे. त्यामुळे, शक्य असल्यास जनावरांना लस टोचून घ्या.बाधित जनावरांना कळपातून वेगळे ठेवा. यामुळे, इतर जनावरांमध्ये या रोगाचा प्रसार होणार नाही.जनावरांच्या गोठ्याची आणि आजूबाजूच्या परिसराची नियमित स्वच्छता ठेवा.बाधित जनावरांशी संपर्क टाळा आणि शक्य असल्यास, इतर जनावरांना त्या ठिकाणी जाण्यापासून परावृत्त करा. असे आवाहन जिल्हा पशुसंवर्धन अधिकारी डॉ. दशरथ दिघे यांनी सांगितले.
