हरेगाव (जनता आवाज वृत्तसेवा): – येथील हरेगाव उंदीरगाव रस्त्यावरील चर्च गेट आउट साईड परिसरातील कपिले फरसाण या दुकानाला आज मंगळवार पहाटे ४ वाजेच्या सुमारास इलेक्ट्रिक शॉर्ट सर्किटमुळे भीषण आग लागून लाखो रुपयांचे नुकसान झाले.
संतोष कपिले यांच्या मालकीचे दुकान फरसाणाचे दुकान असून पहाटेच्या सुमारास लागलेल्या आगीत दुकानातील फर्निचर ,तयार केलेला खारा व गोड माल सह फ्रीज ,दुचाकी आगीच्या भक्ष स्थानी पडले आहे.पहाटेच्या सुमारास फिरण्यास निघालेल्या नागरिकाच्या निदर्शनास सदर घटना आली.त्यांनी तातडीने दुकान मालकास खबर देऊन आग विझविण्याचा प्रयत्न केला . आसपासच्या ग्रामस्थांनी तातडीने घटनास्थळी धाव घेऊन अग्निशमन दलास पाचरण करून आग आटोक्यात आणण्यासाठी प्रयत्न केला.
