लोणी दि.२६ ( जनता आवाज वृत्तसेवा ):-जागतिक फार्मसिस्ट दिनानिमित्त लोणी येथील प्रवराच्या औषध निर्माण महाविद्यालयांच्या विद्यार्थ्यांनी रॅली व शिबिराद्वारे जनजागृती केली.
प्रवराच्या बी फार्म,डी फार्म,एम फार्म,फार्मा डी या महाविद्यालयांच्या विद्यार्थी-विद्यार्थिनी आणि शिक्षकांनी लोणी गावातून जनजागृती रॅली काढली. श्रीराम मंदिरासमोरील प्रांगणात नागरिकांचे प्रबोधन केल्यानंतर म्हसोबा मंदिर येथे शिबीर घेऊन नागरिकांची बॉडी मास इंडेक्स,रक्तदाब तपासणी केली. यावेळी सरपंच श्रीमती कल्पना मैड,सदस्य भाऊसाहेब धावणे,रामनाथ विखे,दिलीपराव विखे,अण्णा म्हस्के,चांगदेव विखे,लक्ष्मण विखे आदींसह ग्रामस्थ उपस्थित होते.शिबीर यशस्वी करण्यासाठी फार्मसी महाविद्यालयाचे प्राचार्य डॉ. संजय भवर,डाॅ.रविंद्र जाधव, डॉ संतोष दिघे, डॉ.गौरव डामरे,डॉ.वैभव भोने,ज्ञानेश्वर विखे, नितीन साबळे, संतोष विखे यांच्यासह सेवक वृंद आणि फार्मसीच्या प्रथम व द्वितीय वर्षाच्या विद्यार्थ्यांनी विशेष परिश्रम घेतले.
