राहाता( जनता आवाज वृत्तसेवा ):-
मंगळवारी खासदार सदाशिव लोखंडे हे राहाता प्रशासकीय कार्यालयात ११ वाजता हजर झाले परंतु आधी सूचना देऊनही या कार्यालयात राहाता तहसीलदार अमोल मोरे व प्रांताधिकारी माणिकराव आहेर हजर झाले नाही. त्यामुळे खा लोखंडे यांनी फोन करून जनतेच्या कामासाठी तुम्हाला वेळ नाही असे बोलून चांगलेच खडसावले त्यानंतर काही वेळेने अधिकारी कार्यालयात उपस्थित झाले .
राहाता तालुक्यातील शासकीय योजनांचा आढावा, शासन आपल्या दारी कामकाज या कामकाजासाठी खा सदाशिव लोखंडे यांनी सर्व अधिकारी यांची बैठक बोलावली होती परंतू अधिकारी लवकर हजर न झाल्याने अधिकाऱ्यांची चांगलीच कानउघाडणी करण्यात आली .
नवीन शिधापत्रिका, दुबार शिधापत्रिका, शिधापत्रिकेतील नाव कमी करणे, अन्न सुरक्षा योजना, संजय गांधी निराधार योजना, प्रधानमंत्री जनआरोग्य योजना, आयुष्यमान कार्ड, माझी कन्या योजना, पाठ्यपुस्तक वितरण, गणवेश वितरण यांसह अनेक योजनांच्या कामाचा चांगलाच आढावा खा लोखंडे यांच्याकडून घेण्यात आला . यामध्ये अधिकारी चांगले काम करत असल्याचा प्रतिक्रिया येथील उपस्थित नागरिकांनी दिल्या . पंतप्रधान नरेंद्र मोदी तसेच उपमुख्यमंत्री देवेंद्र फडणवीस यांनी शासन आपल्या दारी हे अभियान सुरू केले आहे, परंतु प्रत्यक्ष अधिकारी नागरिकांचे कामकाज करतात की नाही याची शहानिशा खा लोखंडे यांनी केली . निसोर्थी सर्वसामान्य जनतेच्या कामकाज करा, आज सांगितलेले कामकाज होते की नाही याविषयी पुन्हा आढावा बैठक घेण्यात येईल असे खा लोखंडे यांनी सांगितले .
यावेळी बैठकीसाठी शिवसेना जिल्हाध्यक्ष कमलाकर कोते, भाजप नेते नितीन कापसे, राष्ट्रवादी जिल्हा कार्याध्यक्ष निलेश कोते, शिवसेना वैधकीय कक्षप्रमुख जितेंद्र जाधव, विजय काळे, प्रांताधिकारी माणिकराव आहेर, तहसीलदार अमोल मोरे, गटविकास अधिकारी जालिंदर पठारे, निळवंडे पाटपाणी समिती अध्यक्ष नानासाहेब शेळके, सौरभ शेळके , उत्तम घोरपडे, विलास गुळवे यांच्यासह अधिकारी व नागरिक उपस्थित होते .
*मी राजकारण सोडील :- खा लोखंडे*
पुरवठा विभागाच्या अधिकाऱ्याला शिधापत्रिकासाठी किती अर्ज आले याविषयी माहिती विचारली असता या अधिकाऱ्याने चुकीची माहिती दिली, त्यामुळे अधिकाऱ्याला खा लोखंडे यांनी चांगलेच छापले . मला जनतेविषयी चांगलीच जाणीव आहे, एवढे कमी अर्ज येतील का ? का गावोगावी जाऊन जनतेला विचारणा करू , जनतेच्या समस्या जर मला समजत नसेल तर राजकारण सोडील असे खा सदाशिव लोखंडे चालू बैठकीत म्हणाले .
*आरोग्य अधिकारी घोलप यांचा गौरव, तर गहाळ कामकाज करणाऱ्या अधिकाऱ्यांना ताकीद*
राहाता तालुका आरोग्य अधिकारी संजय घोलप यांच्या उत्कृष्ट कामाबद्धल खा लोखंडे यांनी त्यांचा सत्कार करून गौरव केला, घोलप यांनी तालुक्यातील सहा प्राथमिक आरोग्य केंद्रांना तसेच ३० आरोग्य वर्धनी केंद्रांना प्रत्यक्ष भेटी देऊन खा लोखंडे यांनी आढावा बैठकीत विचारलेल्या प्रश्नांना व्यवस्थित उत्तर दिल्यामुळे त्यांचा सत्कार केला . तसेच ज्या अधिकाऱ्यांनी नागरिकांचे व्यवस्थित कामकाज केले नाही अशा अधिकाऱ्यांना महिन्यात सर्व प्रश्न सोडविण्याचे ताकीद दिले .
रेशन दुकानदार पूर्ण वेळ रेशन वाटपासाठी देत नाही, काहींना धान्य कमी दिले जाते, काहींना धान्य सुरू करण्यात आले नाही अशा तक्रारी आल्या आहे, आशा दुकानदारांना निलंबनाचे आदेश खा लोखंडे यांनी दिले .
