लोणी दि.३० ( जनता आवाज
वृत्तसेवा ):-लोकनेते पद्मभूषण डॉ. बाळासाहेब विखे पाटील प्रवरा ग्रामीण शिक्षणलोणी येथील पद्मश्री विखे पाटील महाविद्यालयाच्या वनस्पतीशास्त्र विभागात कार्यरत असणारे डॉ. महेश निवृत्ती खर्डे यांची सावित्रीबाई फुले पुणे विद्यापीठाच्या वनस्पतीशास्त्र अभ्यास मंडळाचे अध्यक्ष म्हणून निवड झाली आहे. महाविद्यालयाच्या दृष्टीने ही अतिशय गौरवाची व अभिमानाची बाब असून; तब्बल वीस वर्षानंतर पुन्हा महाविद्यालयाच्या वनस्पतीशास्त्र विभागाला अध्यक्षपदाची संधी डॉ खर्डे यांच्या रूपाने मिळाली आहे. अशी माहिती महाविद्यालयाचे प्राचार्य डॉ. प्रदीप दिघे यांनी दिली.
डॉ. खर्डे यांच्या या निवडीबद्दल संस्थेचे अध्यक्ष आणि महसूल, पशुसंवर्धन व दुग्धविकास मंत्री ना. राधाकृष्ण विखे पाटील, माजी मंत्री मा. अण्णासाहेब म्हसके पा., जिल्हा परिषदेच्या माजी अध्यक्ष सौ शालिनीताई विखे पाटील, खासदार डॉ. सुजय विखे पाटील, प्रवरा अभिमात विद्यापीठाचे कुलपती डॉ. राजेंद्र विखे पाटील यांच्यासह संस्थेचे अतिरिक्त संचालक डॉ. शिवानंद हिरेमठ, सहसचिव भारत घोगरे पाटील यांच्यासह सर्व अधिकारी व पदाधिकारी यांनी डॉ. खर्डे यांचे अभिनंदन केले व त्यांना पुढील वाटचालीस शुभेच्छा दिल्या.
