लोणी दि.३१( जनता आवाज वृत्तसेवा ):-लोकनेते पद्मभुषण डॉ. बाळासाहेब विखे पाटील प्रवरा ग्रामीण शिक्षण संस्थेच्या लोणी येथील वरा ग्रामीण इंजिनिअरिंग कॉलेजच्या कॉम्प्युटर इंजिनियरिंग विभागाच्या शेवटच्या वर्षात शिकत असलेल्या नऊ विद्यार्थ्यांची हायर मी, पुणे या सॉफ्टवेअर प्रणाली विकसित करणाऱ्या नामांकित कंपनीमध्ये कॅम्पस इंटरव्ह्यू द्वारे सिलेक्शन झाल्यामुळे अशा प्रकारे परिसर मुलाखतीचे आयोजन करून नोकऱ्या उपलब्ध करून दिल्याने महाविद्यालयाचे परिसरातून कौतुक होत आहे, अशी माहीती प्राचार्य डाॅ. संजय गुल्हाने यांनी दिली.
यामध्ये कॉम्प्युटर इंजिनियरिंग विभागच्या प्रतिक्षा रोकडे, राहुल खताळ, मनस्वी आहेर, प्रियांका आहेर,साक्षी मांढरे, कल्याणी गायकर, निशा पटेल, सायली खाडे, तेजस पोकळे या विद्यार्थ्यांची कंपनीमध्ये नोकरी साठी शिकत असतानाच निवड झाली आहे अशी माहिती प्रा.महेश निर्मळ यांनी दिली.
कॉम्प्युटर इंजिनियरिंग विभागाचे विभागप्रमुख डॉ मिनिनाथ बेंद्रे यांनी यावेळी सांगितले की प्रवरा ग्रामीण अभियांत्रिकी महाविद्यालय हे विद्यार्थ्यांच्या प्लेसमेंट साठी नेहमीच प्रयत्नशील असून विद्यार्थ्यांच्या शैक्षणिक गुणवत्ता वाढ व प्लेसमेंट साठी विविध कोर्सेस व ऍक्टिव्हिटी चे आयोजन करत असते.यामध्ये सॉफ्ट स्किल डेव्हलपमेंट,ऍप्टीट्युड टेस्ट, सॉफ्टवेअर आणि स्कील डेव्हलपमेंट कोर्सेस, एंटरप्रीन्यूअरशिप इंटरनॅशनल प्रोग्रॅम, करियर गायडन्स, सराव मुलाखत इत्यादी उपक्रमांचा अंतर्भाव आहे.
महाविद्यालयातील कॉम्प्युटर इंजिनियरिंग विभागाची उत्कृष्ट निकालाची परंपरा, माजी विद्यार्थ्यांचा सहयोग, अनुभवी व तज्ञ प्राध्यापकांचे मार्गदर्शन , लॅब डेव्हलपमेंट, प्रोजेक्ट अनुदान आणि विविध नामांकित कंपन्यांसोबत केलेल्या संलग्नता करार यामुळे कॉम्प्युटर इंजिनियरिंग विभागाच्या मागील पाच वर्षांपासून उत्कृष्ठ प्लेसमेंट झालेली आहे असे, महाविद्यालयाचे प्राचार्य डॉ. संजय गुल्हाने यांनी सांगितले. विद्यार्थ्यांच्या प्लेसमेंट होण्यासाठी कम्प्युटर इंजिनीअरिंग विभागाचे प्लेसमेंट समन्वयक प्रा.गणेश कोते , कॉलेजचे ट्रेनिंग अँड प्लेसमेंट अधिकारी डॉ. आण्णासाहेब वराडे, कॉम्प्युटर इंजिनियरिंग विभागाचे विभागप्रमुख डॉ मिनीनाथ बेंद्रे, संस्थेचे ट्रेनिंग अँड प्लेसमेंट विभागाचे समन्वयक प्रा. मनोज परजने, तसेच सर्व स्टाफ मेंबर्स यांनी परिश्रम घेतले.
या यशाबद्दल संस्थेचे अध्यक्ष आणि महसूल मंञी ना. राधाकृष्ण विखे पा., माजी मंत्री अण्णासाहेब म्हस्के पाटील जिल्हा परिषदेच्या माजी अध्यक्षा सौ. शालिनीताई विखे पाटील, खासदार डॉ. सुजय विखे पाटील, सह सचिव भारत घोगरे, अतिरिक्त मुख्य कार्यकारी अधिकारी डॉ. शिवानंद हिरेमठ, प्राचार्य डॉ. संजय गुल्हाने, सर्व विभाग प्रमुख, सर्व शिक्षक व शिक्षकेतर कर्मचारी, पालक यांनी विद्यार्थ्यांचे अभिनंदन केले.
प्रवरेत शिक्षणासोबत विविध उपक्रम, इंडस्ट्रियल व्हिजिट्स आणि इंटर्नशिप याद्वारे परिपुर्ण विद्यार्थी घडविण्यासाठी प्रयत्न होत असतो, यामुळे हे यश आम्हा मुलीसाठी महत्वपुर्ण आहे.आमच्यासाठी सुरक्षिता आणि मिळणारे मार्गदर्शन यांतून हे यश मिळाले आहे.
– साक्षी मांढरे, विद्यार्थिनी
