लोणी दि.१३( जनता आवाज वृत्तसेवा ):-लोकनेते पद्यभुषण डाॅ. बाळासाहेब विखे पाटील प्रवरा ग्रामीण संस्थेच्या प्रवरा औषधनिर्माणशास्ञ महाविद्यालय लोणी येथील एम. फ़ार्म अभ्यासक्रमतील दोन विद्यार्थ्यांची बहुराष्ट्रीय कंपनी मध्ये निवड झाल्याची माहिती महाविद्यालयाचे प्राचार्य डॉ. संजय भवर यांनी दिली.
एम. फार्मसी मधून ओमकार अत्रे आणि विपुल करंजेकर यांची अनुक्रमे लुपिन फार्मा मुंबई आणि तेवा फार्मा मुंबई येथे वार्षिक ३.५ लाख रुपये वेतन श्रेणी मध्ये निवड झाली. औषधनिर्माणशास्त्रमध्ये अतिशय महत्वाचा समजला जाणारा विभाग म्हणजे औषधं नियामक व्यवहार व त्या विभागामध्ये या दोन्ही विद्यार्थ्यांची निवड होणे म्हणजे महाविद्यलयाच्या दृष्टीने विशेष बाब आहे. त्यांच्या अंतिम परीक्षेपूर्वी नोकरीची संधी उपलब्ध झाल्याने त्यांच्यामध्ये चैतन्याचे वातावरण आहे. प्रवरा हे विद्यार्थ्यांच्या हितासाठी कायमच अग्रभागी असते.महाविद्यालयात स्वतंत्र ट्रैनिंग व प्लेसमेंट विभाग कार्यरत असून त्याचा विद्यार्थ्यांना नेहमी फायदा होत असतो.
निवड झालेल्या सर्व विद्यार्थ्यांचे संस्थेचे अध्यक्ष आणि महसूल मंञी ना. राधाकृष्ण विखे पाटील, माजी मंत्री अण्णासाहेब म्हस्के पाटील, जिल्हा परिषदेच्या माजी अध्यक्षा सौ..शालिनीताई विखे पाटील, माजी खासदार डॉ. सुजय विखे पाटील, सहसचिव भारत घोगरे पाटील, अतिरिक्त मुख्य कार्यकारी अधिकारी डॉ शिवानंद हिरेमठ, संस्थेचे ट्रेनिंग व प्लेसमेंट विभाग प्रमुख डाॅ. मनोज परजणे, यांनी तसेच महाविद्यालयाचे संचालक डॉ. बि. एम. पाटील,प्राचार्य डॉ संजय भवर सर्व शिक्षक, शिक्षकेतर कर्मचाऱ्यांनी अभिनंदन केले.
प्रवरा ही गुणवत्ता पुर्ण शिक्षणसोबतचं नोकरी उपलब्ध करुन देण्यात आघाडीवर आहे,वेळोवेळी आयोजित कॅम्प मुलाखती,माजी विद्यार्थी मार्गदर्शन,विविध शैक्षणिक करार,करीअर मार्गदर्शन आणि सर्वाचे मार्गदर्शन यामुळे यावर्षी प्लेसमेंट मधून नोकरी देण्यात हे महाविद्यालय अव्वल स्थावर आहे असे महाविद्यालयांचे प्लेसमेंट विभागाचे डाॅ.सोमेश्वर मनकर यांनी सांगितले.
