शेवगाव तालुक्यात सध्या लग्नसराई व विविध कार्यक्रमांमध्ये डीजेच्या तालावर तरुण पिढी मोठ्या प्रमाणात नाचत आहे, परंतु डीजेच्या कर्णकर्कश आवाजाने जुन्या झालेल्या इमारती व वयोवृध्दांसह अनेक लोकांच्या हृदयावर त्याचा परिणाम होत असल्याने शेवगाव तालुक्यात यापुढे आजपासून डीजे वाजणार नसल्याचे आवाहन पोलीस निरीक्षक विलास पुजारी यांनी शेवगाव तालुक्यातील 4० डीजे मालकांना आदेश व सूचना दिलेल्या असून डीजे वाजल्यास त्यांच्यावर कायदेशीर कारवाई करण्याचे आदेश देखील देण्यात आल्याने तालुक्यात यापुढे कुठल्याही कार्यक्रमात डीजे वाजणार नाही ,लग्न समारंभामध्ये डीजेचा कर्णकर्कश आवाजामुळे अनेक लहान थोरांना यापासून त्रास होत आहे , परंतु कोणीही याची दखल घेत नसल्याने अखेर पोलिसांनी दखल घेऊन त्याच्यावर बंदी आणण्याची वेळ आली असल्याने शेवगाव पोलिसांनी एका डीजे मालकावर कारवाई करून डीजे शेवगा पोलिसांनी जप्त केला आहे , शेवगाव तालुका डीजे मुक्त करणार असल्याचे आवाहन पोलीस निरीक्षक विलास पुजारी यांनी केल्याने डीजेवर नाचणाऱ्या तरुणांसह डीजे मालकांनी धसका घेतल्याने आता डीजेचा धुमधडाका बंद होणार आहे ,
