टाकळीभान, ( जनता आवाज वृत्तसेवा ):- श्रीरामपूर तालूक्यातील टाकळीभान येथील गटकळ इंग्लिश मेडीअम स्कूल व जुनि. कॉलेजमध्ये वार्षिक स्नेहसंमेलन मोठ्या उत्साहात संपन्न आले.
या कार्यक्रम प्रसंगी डॉ. नितीन मगर, डॉ. संतोष मोरे, प्रा. कार्लस साठे, रावसाहेब आव्हाड, सुलतान भाई शेख, काकासाहेब पडवळ, विकास मेघळे आदि मान्यवर व पंचक्रोशीतील सर्व पालक वर्ग मोठ्या संखेने उपस्थित होते.
कार्यक्रमाचे अध्यक्ष डॉ. नितीन मगर म्हणाले विद्यार्थ्यांच्या अभ्यासा बरोबरच त्यांच्यामध्ये असलेल्या कलागुणांना वाव मिळून देण्याचे काम गटकळ इंग्लिश मेडीअम स्कूल नेहमी करीत असते आज विद्यार्थ्यांनी सादर केलेला कलाविष्कार बघून आपण भारावून गेल्याचे गौरोदगार मगर यांनी व्यक्त केले.
शाळेच्या प्राचार्या सुनिता गटकळ म्हणाल्या या शाळेतून शिक्षण घेवून बाहेर पडलेले विद्यार्थी चांगल्यापदावर कार्यरत असल्याचा मला सार्थ अभिमान वाटतो. व भविष्यातही विद्यार्थी घडविण्यास मी नेहमी समाजास बांधील असेल असा विश्वास गटकळ यांनी व्यक्त केला.
यावेळी डाॅ.संतोष मोरे, प्रा. कार्लस साठे यांनी मनोगत व्यक्त केले. कार्यक्रम यशस्वी करण्यासाठी सर्व शिक्षक व शिक्षकेत्तर कर्मचारी यांनी विशेष परिश्रम घेतले. या कार्यक्रमाचे सूत्रसंचालन कु.स्वरा बोरुडे व कु वैष्णवी सरगये यांनी केले. आभार प्रा. गुजर सर यांनी मानले.
