पारनेर( जनता आवाज वृत्तसेवा):-पारनेर तालुक्यातील ज्ञानेश्वरी मंदिर वडनेर हवेली या ठिकाणी ह.भ.प.गुरुवर्य माऊली बाबा सोनुळे यांच्या आशीर्वादाने व श्री ज्ञानेश्वर मंदिर देवस्थानच्या वतीने दि.१४ मार्च ते १८ मार्च या कालावधीमध्ये भव्य कीर्तन महोत्सव आयोजित करण्यात आल्याची माहिती देवस्थानचे अध्यक्ष राहुल सोनुळे यांनी दिली आहे.
कीर्तन महोत्सवामध्ये रात्री ७ ते ९ या वेळेमध्ये पांडुरंग महाराज गिरी वावीकर, ज्ञानेश्वर माऊली तांबे नेवासा, संजय नाना महाराज धोंडगे नाशिक, एकनाथ महाराज चत्तर शास्त्री आळंदी यांची सुश्राव्य कीर्तने होणार आहेत. या कीर्तन महोत्सवाची सांगता ह भ प गुरुवर्य समाधानजी महाराज शर्मा यांच्या काल्याच्या कीर्तनाने होणार आहे या काळात रोज दानशूर अन्नदात्यांकडून अन्नदान होणार आहे रोज किर्तन समाप्ती नंतर महाप्रसाद दिला जाणार आहे रविवार दिनांक १७ मार्च रोजी सकाळी १० ते ३ यावेळेत देवस्थानच्या वतीने राज्यस्तरीय भजन स्पर्धेचे आयोजन केलेले आहे. वडनेर हवेली पंचक्रोशी, पारनेर, नगर, श्रीगोंदा, शिरूर तालुक्यातील भाविक भक्तांनी ज्ञानदान व अन्नदानाचा लाभ घ्यावा असे आवाहन देवस्थानचे अध्यक्ष राहुल सोनुळे उपाध्यक्ष विशाल सोनुळे विश्वस्त अनिल बढे व मार्गदर्शक बाळकृष्ण महाराज सोनुळे यांनी केले आहे.
