लोणी (जनता आवाज वृत्तसेवा ):- लोकनेते पद्मभूषण डॉ. बाळासाहेब विखे पाटील प्रवरा ग्रामीण शिक्षण संस्थेच्या प्रवरा ग्रामीण अभियांत्रिकी महाविद्यालय, लोणी येथील सिव्हिल इंजिनीरिंग विभागाच्या विद्यार्थिनी कु. समीक्षा भुसाळ हिची महाराष्ट्र शासनाच्या नगरपरिषद या विभागामध्ये सिटी इंजिनीअर आणि कु. ऐश्वर्या सोनवणे हिची महाराष्ट्र शासनाच्या सार्वजनिक बांधकाम विभागामध्ये कनिष्ठ अभियंता या पदावर २०२४ मध्ये झालेल्या परीक्षांमधून नुकतीच नियुक्ती झाली आहे. विशेष म्हणजे एकाच वेळी दोन ठिकाणी त्यांची निवड झाल्याची माहीती प्राचार्य डाॅ.संजय गुल्हाने यांनी दिली.
सिव्हील इंजिनिअरिंग विभागाचे ट्रेनिंग व प्लेसमेंटचे अधिकारी प्रा. लक्ष्मण लहामगे यांनी पुढे माहिती देताना सांगितले की,सिव्हील इंजिनिअरिंग विभागाने इंडस्ट्रीजची गरज ओळखून, महाविद्यालयातील सिव्हील इंजिनिअरिंग विभागाने विद्यार्थ्यांना इंडस्ट्रीजमध्ये लागणारे तंत्रज्ञानात पारंगत केल्यामुळे २० हून अधिक विद्यार्थांची विविध सरकारी उच्च पदांवर स्पर्धा परीक्षांमधून निवड झाली आहे तर या वर्षी शिकत असलेल्या २०२३-२४ या शैक्षणिक वर्षातील ३५ हून अधिक विद्यार्थांना नोकऱ्या मिळवून दिल्या आहेत. विभागाकडे पीएच.डी. झालेले वरिष्ठ तज्ञ व अनुभवी प्राध्यापक आहेत. हा विभाग त्यांच्या चार वर्षांच्या अभ्यासादरम्यान उद्योग गरजेवर आधारित अभ्यासक्रम उपलब्ध करून देतो. विभाग मूल्यवर्धन कार्यक्रम, अल्पकालीन अभ्यासक्रम आणि प्रगत तंत्रज्ञानातील विविध प्रशिक्षण कार्यक्रम, आंतरराष्ट्रीय बूट कॅम्प आणि कार्यशाळा, प्री-प्लेसमेंट चर्चा, विविध नामांकित संस्थांना औद्योगिक भेटी आयोजित करतो. विभाग शैक्षणिक वर्षात विविध तांत्रिक कार्यक्रम, सांस्कृतिक आणि खेळांचे आयोजन या सारख्या उपक्रमातून विद्यार्थी परिपुर्ण होत असतो.
सिव्हील इंजिनिअरिंग विभागाचे विभागप्रमुख डॉ. प्रमोद कोळसे यांनी सांगितले की, यांनी सांगितले की, सध्याच्या जगात विद्यार्थ्यांना सक्षम बनवण्यासाठी आम्ही सिव्हिल इंजिनीअरिंग सॉफ्टवेअर कोर्स, सॉफ्ट स्किल ट्रेनिंग, ॲप्टीट्युड ट्रेनिंग घेत यांचा मोठा फायदा मुलांना होतो.
सिव्हील इंजिनिअरिंग विभागाने मिळवलेल्या या यशाबद्दल संस्थेचे अध्यक्ष आणि महसूल मंञी ना. राधाकृष्ण विखे पाटील, माजी मंत्री अण्णासाहेब म्हस्के पाटील, जिल्हा परिषदेच्या माजी अध्यक्षा सौ. शालिनीताई विखे पाटील, माजी खा. डॉ. सुजय विखे पा., सह सचिव भारत घोगरे, अतिरिक्त मुख्य कार्यकारी अधिकारी डॉ. शिवानंद हिरेमठ, प्राचार्य डॉ. संजय गुल्हाने, प्रा.मनोज परजणे, ट्रेनिंग अँड प्लेसमेंट अधिकारी डॉ. आण्णासाहेब वराडे, सर्व विभागप्रमुख, सर्व शिक्षक व शिक्षकेतर कर्मचारी, पालक व विद्यार्थांनी अभिनंदन केले.
