लोणी दि.२३ ( जनता आवाज वृत्तसेवा ):-सावित्रीबाई फुले पुणे विद्यापीठ, अहमदनगर जिल्हा विभागीय क्रीडा समिती यांच्या संयुक्त विद्यमाने आयोजित श्री छत्रपती शिवाजी महाराज इंजिअरिंग कॉलेज नेप्ती,अहमदनगर येथे संपन्न झालेल्या आंतर महाविद्यालयीन टेबल टेनिस स्पर्धेमध्ये प्रवरा ग्रामीण अभियांत्रिकी महाविद्यालयाच्या मुलींच्या संघाने सांघिक उपविजेतेपद पटकावले अशी माहीती प्राटार्य डाॅ.संजय गुल्हाने यांनी दिली.
प्रवरा ग्रामीण अभियांत्रिकी महाविद्यालयाच्या संघातील आदिती काळे, ऋतुजा घायतड, तेजस्विनी चिकणे, दिपाली इष्टके यांच्या संघाने उप उपांत्य सामन्यामध्ये संजीवनी इंजिनिअरिंग संघाला तसेच उपांत्य सामन्यामध्ये अमृतवाहिनी संघाला पराभूत करून अंतिम सामन्यापर्यंत मजल मारून उपविजेते पद प्राप्त केले.या संघाला क्रीडा संचालक डॉ श्रीनिवास मोतीयेळे, प्रा सागर महाजन यांचे मार्गदर्शन लाभले.
या यशाबद्बल संस्थेचे अध्यक्ष आणि महसूल मंत्री ना. राधाकृष्ण विखे पाटील, ज़िल्हा परिषदेच्या माजी अध्यक्षा सौ. शालिनीताई विखे पाटील, खासदार सुजय विखे पाटील,संस्थेचे सहसचिव भारत घोगरे पाटील, अतिरिक्त मुख्य कार्यकारी अधिकारी डॉ शिवानंद हिरेमठ, संस्थेचे संचालक डॉ प्रदीप दिघे,शिक्षण संचालक प्रा. लीलावती सरोदे, सहशिक्षण अधिकारी प्रा. नंदकुमार दळे, संस्थेचे क्रीडा संचालक डॉ प्रमोद विखे पाटील, , तंत्रनिकेतनचे प्राचार्य डॉ विजय राठी,जिल्हा विभागीय क्रीडा समितीचे सचिव डॉ राजेंद्र देवकाते, स्पर्धा आयोजक सचिव- प्रा.अविनाश हंडाळ यांनी शुभेच्छा दिल्या आहेत.
