लोणी दि १३ ( जनता आवाज वृत्तसेवा ):-लोकनेते पद्यभुषण डाॅ.बाळासाहेब विखे पाटील प्रवरा ग्रामीण शिक्षण संस्थेच्या प्रवरा ग्रामीण अभियांञिकी महाविद्यालयातील केमिकल अभियांत्रिकी विभागाच्या अंतिम वर्षाच्या 63 विद्यार्थ्यांची विविध नामांकित व बहुराष्ट्रीय कंपन्यांमध्ये निवड झाली.यामध्ये मेक्लाईड फार्मासिटिकल लिमिटेड मध्ये ३४ विद्यार्थी, एपिटॉम कंपनीत १२ विद्यार्थी, पॅरासन लिमिटेड मध्ये पाच विद्यार्थी, प्राज लिमिटेड मध्ये पाच विद्यार्थी व इतर नामांकित कंपन्यांमध्ये एकूण ६३ विद्यार्थ्यांची निवड झालेली आहे. अशी माहीती प्राचार्य डाॅ.संजय गुल्हाने यांनी दिली.
केमिकल विभागाचे विभाग प्रमुख डॉ. सुनील मिसाळ म्हणाले,प्रवरा ग्रामीण अभियांत्रिकी महाविद्यालय हे विद्यार्थ्यांच्या प्लेसमेंट साठी नेहमीच प्रयत्नशील असून विद्यार्थ्यांच्या शैक्षणिक गुणवत्ता वाढ व प्लेसमेंट साठी विविध कोर्सेस व ऍक्टिव्हिटी चे आयोजन केले जाते.यामध्ये सॉफ्ट स्किल डेव्हलपमेंट,ऍप्टीट्युड टेस्ट, सॉफ्टवेअर व स्कील डेव्हलपमेंट कोर्सेस, एंटरप्रीन्यूअरशिप इंटरनॅशनल प्रोग्रॅम, करियर गायडन्स इत्यादी उपक्रमांचा अंतर्भाव आहे.महाविद्यालयातील केमिकल इंजीनियरिंग विभाग हा १९८३ साली सुरू झालेला पुणे विद्यापीठातील प्रथम कोर्स असून आतापर्यंत सुमारे बाराशे विद्यार्थी पास आऊट होऊन जगातील सर्व नामांकित कंपन्यांमध्ये उच्च पदावर यशस्वीपणे कार्यरत आहेत. या माजी विद्यार्थ्यांचा महाविद्यालयाच्या विकासामध्ये मोलाचा वाटा आहे. महाविद्यालयामध्ये आयोजित होणाऱ्या एक्सपर्ट लेक्चर, गेस्ट लेक्चर, ईनटर्नशिप, इंडस्ट्रियल व्हिजिट, मॉक इंटरव्यूव व प्लेसमेंट इत्यादी उपक्रमांमध्ये माजी विद्यार्थ्यांचे महत्त्वाचे योगदान आहे.
महाविद्यालयातील केमिकल विभागाने आयआयटी मुंबई या संस्थेसोबत संलग्नता करार केला असून फॉस या उपक्रमाच्या अंतर्गत फ्री ऑनलाइन कोर्सेस ची सुविधा विद्यार्थ्यांसाठी उपलब्ध करून दिलेली आहे. याद्वारे विद्यार्थ्यांमध्ये नवनवीन तंत्रज्ञान आत्मसात करणे साठी मदत होते.
उत्कृष्ट निकालाची परंपरा, माजी विद्यार्थ्यांचा सहयोग, अनुभवी व तज्ञ प्राध्यापकांचे मार्गदर्शन , लॅब डेव्हलपमेंट साठी ए आय सी टी ई कडून मिळालेले प्रोजेक्ट अनुदान आणि विविध नामांकित कंपन्यांसोबत केलेल्या संलग्नता करार यामुळे केमिकल इंजिनिअरिंग विभागाने यावर्षीही १०० टक्के प्लेसमेंट ची परंपरा कायम राखली आहे असे महाविद्यालयाचे प्राचार्य डॉ. संजय गुल्हाने यांनी सांगितले.विद्यार्थ्यांच्या प्लेसमेंट होण्यासाठी केमिकल विभागाचे सर्व स्टाफ मेंबर्स तसेच प्लेसमेंट विभाग प्रमुख डॉ. अण्णासाहेब वराडे आणि प्रा. नितीन चव्हाण यांनी परिश्रम घेतले.
विद्यार्थ्यांच्या या प्लेसमेंट बाबत संस्थेचे अध्रक्ष आणि महसुल मंञी राधाकृष्ण विखे पाटील, माजी मंत्री अण्णासाहेब म्हस्के पाटील जिल्हा परिषदेच्या माजी अध्यक्षा सौ शालिनीताई विखे पाटील, खासदार डॉ. सुजय विखे पाटील, सहसचिव मा. भारत घोगरे पाटील तसेच अतिरिक्त मुख्य कार्यकारी अधिकारी डॉ. शिवानंद हिरेमठ यांनी अभिनंदन केले आहे.
