आधुनिक जीवन शैलीचा अवलंब करताना मूळ मराठी मातीशी नाळ तुटू नये – मंजुश्री मुरकुटे वटपौर्णिमा निमित्त ग्रामपंचायत टाकळीभान आणि लोकसेवा महाविकास आघाडीच्या वतीने महिलांसाठी विविध कार्यक्रमांचे आयोजन

वटपौर्णिमा हा सण मुख्यत्वाने स्त्रीयांचा सण असतो. स्त्रियांना रोजच्या जीवनातून दोन क्षण विरंगुळ्याचे अनुभवता यावेत, याकरिता स्त्रियांना सणांच्या निमित्ताने इतर स्त्रियांशी हितगुज करता येईल. विविध खेळांच्या माध्यमातून मनोरंजन होईल अशा अनुषंगाने हा उपक्रम राबविण्यात आला. महिलांनी देखील हिरहिरीने भाग घेत या संपूर्ण कार्यक्रमात रंगत आणली. 

पारंपरिक कार्यक्रमासोबतच आयोजकांनी विविध गमतीदार खेळांचेही आयोजन केले होते. या खेळांनी उपस्थित सर्वांचेच मनोरंजन केले. अल्पोपहाराने उपस्थितांची पोटासोबत मने देखील जिंकली! आधुनिक जीवनशैलीचा अवलंब करताना मूळ मराठी मातीशी नाळ तुटू नये याकरिता ग्रामपंचायत टाकळीभान कायमच प्रयत्नशील असते. मराठी सण सामूहिकरीत्या साजरे करून परमुलूखात एक प्रकारे महाराष्ट्राच्या सांस्कृतिक अस्मितेचे दर्शन करून दिले असे मत मंजुश्री मुरकुटे यांनी व्यक्त केले. यावेळी कुसुमबाई साळुंके, सविता बनकर, कविता बोडखे, प्रमिला पटारे, पद्मा पटारे, अर्चना मावळे, संगीता जोशी, सुमन नाईक, राणी नाईक, संगीता कोकणे, मीना पटारे, पद्मा पटारे, विमल पवार, उषा पवार, स्मिता खंडागळे, कविता खंडागळे, पाबळे ताई, छाया लांडगे, ज्योती बोडखे, मनीषा नवले, प्रियांका जाधव, शुभांगी वाकळे, मिरा जाधव, मंगल जाधव, सविता माने, कल्पना पवार, सविता मुठे, निकिता शिंदे, मीराबाई गवांदे आदी महिला मोठ्या संख्येने उपस्थित होत्या.हा कार्यक्रम पार पाडण्यासाठी ग्रामविकास अधिकारी आर. एफ. जाधव यांनी विशेष परिश्रम घेतले.