)
बालमटाकळी ( प्रतिनिधी ):-साध्वी ह.भ. प. शितलताई देशमुख यांच्या कन्हैय्या आश्रमातील हरणाचे पाडस बालगोपाळांसोबत हरिपाठामधे आनंदाने रोज निर्भयपने नाचत बागडत पाऊले खेळत असल्याचा व्हिडिओ सध्या महाराष्ट्रभर व्हायरल होत असल्याने या बालमटाकळीतील कन्हैया आश्रमाकडे अनेक भाविक भक्त हरिपाठामध्ये हरीण कसे पावले खेळतात ते पाहण्यासाठी येत आहेत ,
अहमदनगर जिल्ह्याच्या शेवगाव तालुक्यातील बालमटाकळी येथील साध्वी शितलताई देशमुख यांचे वडील रतनराव देशमुख व बंधू विठ्ठल व बापू यांनी अधिक माहिती देताना म्हटले की , कन्हैया आश्रमाच्या साध्वी कीर्तनकार शितलताई देशमुख यांनी लहानपणापासूनच प्रपंचाचा त्याग करून संन्यासी मार्ग निवडला ,
त्यांनी जवळपास १२ वर्ष हिमालयात अनेक साधूंच्या सहवासात साधना करून ज्ञान प्राप्त करून गेल्या तीन चार वर्षांपासुन गावात व परिसरात किर्तन… प्रवचन… संस्कार शिबिर… सप्ताह.. यांच्या माध्यमातून भक्ति मार्गाचा प्रचार / प्रसार करत अनेक थोरा मोठ्यांना सन्मार्गावर चालण्यासाठी प्रवृत्त करुन परिसरातील अनेक लहान मुलांकडून त्यांनी भगवदगीता सह अनेक संस्कृत पाठ मुखोदगत करुन घेतले आहे , भजन सम्राट रामेश्वर महाराज देशमुख हे शितल महाराज देशमुख यांचे बंधू आहेत , त्यांच्या विद्वत्तेमुळे कन्हैया आश्रमासह बालमटाकळीचे नाव महाराष्ट्रभर सांप्रदायिक क्षेत्रात गाजत आहे ,
