spot_img
spot_img

आ. विवेक कोल्हे यांच्या पाठपुराव्यामुळे ३ कोटी ३४ लाख २५ हजार रुपयांचा निधी मंजूर

कोपरगाव (जनता आवाज वृत्तसेवा):- कोपरगाव विधानसभा मतदारसंघातील ग्रामीण भागाच्या सर्वांगीण विकासाला चालना देण्यासाठी आ. विवेक कोल्हे यांच्या सातत्यपूर्ण पाठपुराव्याला मोठे यश मिळाले आहे. अनुसूचित जाती व नवबौद्ध घटकांच्या वस्त्यांचा विकास करण्यासाठी सन २०२६-२७ या आर्थिक वर्षात जिल्हा परिषद अहिल्यानगरच्या माध्यमातून एकूण ३ कोटी ३४ लाख २५ हजार रुपयांच्या ७० विकासकामांना प्रशासकीय मान्यता मिळाली आहे. त्यामुळे मतदारसंघातील विविध गावांमधील मूलभूत सुविधांचा प्रश्न मार्गी लागणार आहे.

या मंजूर कामांमध्ये प्रामुख्याने पाणीपुरवठा व्यवस्था सुधारणे, अंतर्गत रस्त्यांचे काँक्रिटीकरण, पेव्हर ब्लॉक बसविणे, बीज रस्त्यांची कामे, गटार बांधकाम, रस्त्यांचे मजबुतीकरण आणि समाजमंदिर बांधकाम अशा महत्त्वपूर्ण विकासकामांचा समावेश आहे.

आंचलगाव,बोलकी,ब्राह्मणगाव,काकडी,कुंभारी,करंजी,कोळपेवाडी,कासली,चासनळी,चांदेकसारे,देर्डे कोऱ्हाळे,धामोरी,धोत्रे,धारणगाव,तळेगाव मळे,मनेगाव,मढी बुद्रुक,मंजूर,मळेगाव थडी,जवळके,जेऊर कुंभारी,सुरेगाव,शिंगणापूर,वेस-सोयगाव,डाऊच बुद्रुक,रवंदे,टाकळी,कोळगाव थडी,वेळापूर आदी गावांमधील वस्त्यांना या कामांचा लाभ मिळणार आहे.

spot_img

Related Articles

ताज्या बातम्या

error: Content is protected !!