लोणी (जनता आवाज वृत्तसेवा):-लोकनेते पद्मभूषण डॉ. बाळासाहेब विखे पाटील प्रवरा ग्रामीण शिक्षण संस्थेच्या लोणी येथील पद्मश्री विखे पाटील महाविद्यालयास सावित्रीबाई फुले पुणे विद्यापीठाचा क्रीडा क्षेत्रातील विशिष्ट योगदानासाठी गौरव (ग्रामीण विभाग) पुरस्कार प्रदान करण्यात आला असल्याची माहिती उपप्राचार्य डाॅ.आर.ए.पवावार यांनी दिली.
सावित्रीबाई फुले पुणे विद्यापीठाने “ग्रामीण भागातील उत्कृष्ठ महाविद्यालय” गौरविलेले एकमेव महाविद्यालय अहिल्यानगर जिल्हा क्रीडा विभाग समिती यांना दिलेले सततचे सहकार्य याबद्दल “क्रीडा क्षेत्रातील विशिष्ट योगदानासाठी गौरव (ग्रामीण विभाग) पुरस्कार” प्रदान करण्यात आला असे उपप्राचार्य डॉ. राम पवार यांनी सांगितले. नुकताच मा.डॉ. सुदाम शेळके, क्रीडा संचालक, सावित्रीबाई फुले पुणे विद्यापीठ यांचे शुभहस्ते अहिल्यानगर येथे संपन्न झालेल्या दिमाखदार सोहळ्यात प्रदान करण्यात आला.
संस्थेच्या मुख्य कार्यकारी अधिकारी डॉ. सुस्मिता विखे पाटील यांच्या मार्गदर्शनाखाली दर्जेदार शिक्षणाबरोबरच क्रीडा क्षेत्रातही महाविद्यालयाच्या विद्यार्थ्यांनी आपले वेगळे अस्तित्व निर्माण केले आहे. भव्य दिव्य क्रीडांगणासह विविध खेळाचे साहित्य उपलब्ध असल्यामुळे महाविद्यालयाचे विद्यार्थी हे राज्य आणि देश पातळीवर पोहोचले आहेत. विविध स्पर्धेच्या माध्यमातून विद्यार्थ्यांना खेळासाठी नेहमीच प्रोत्साहन दिले जात असल्यामुळे आज क्रीडा क्षेत्रातही महाविद्यालयाने अव्वल स्थान प्राप्त केले आहे. पुरस्कारामुळे महाविद्यालयाच्या क्रीडा क्षेत्राला मोठी ऊर्जा मिळाली असल्याचे डॉ. पवार यांनी सांगितले.
या पुरस्काराबद्दल संस्थेचे अध्यक्ष तथा जलसंपदा मंत्री ना. राधाकृष्ण विखे पाटील, जिल्हा परिषदेच्या माजी अध्यक्ष सौ. शालिनीताई विखे पाटील विखे पाटील कारखान्याचे अध्यक्ष डॉ. सुजय विखे पाटील संस्थेच्या मुख्य कार्यकारी अधिकारी डॉ. सुस्मिता विखे पाटील, अतिरिक्त मुख्य कार्यकारी अधिकारी डॉ. शिवानंद हिरेमठ, शिक्षण संचालक डॉ. प्रदीप दिघे, शिक्षण संचालिका सौ लीलावती सरोदे, क्रीडा समितीचे चेअरमन डॉ. भाऊसाहेब रणपिसे यांनी अभिनंदन केले आहे.
