लोणी दि.२५( जनता आवाज वृत्तसेवा):-लोकनेते पद्यभुषण डाॅ.बाळासाहेब विखे पाटील प्रवरा ग्रामीण शिक्षण संस्थेच्याप्रवरा रुरल कॉलेज ऑफ आर्किटेक्चर लोणी यांच्या राष्ट्रीय सेवा योजनेतील स्वयंसेवक प्रविण फेरंग या विद्यार्थ्याची गोंडवाना विद्यापीठ, गडचिरोली येथे होणाऱ्या राज्यस्तरीय आपत्कालीन व्यवस्थापन प्रशिक्षण शिबिरासाठी निवड झाली आहे. यासाठी राष्ट्रीय सेवा योजना कार्यक्रम अधिकारी प्राध्यापक दीपिका आरबट्टी यांचे त्याला मार्गदर्शन लाभले.
सदर शिबिरासाठी पुणे विद्यापीठातून रसेयो विभागाचे पुणे, नासिक व अहमदनगर या तीन जिल्ह्यातून एकूण पंचाहत्तर विद्यार्थी विद्यार्थिनी सहभागी होणार आहेत. त्यापैकी पंचवीस विद्यार्थी विद्यार्थिनी नगर जिल्ह्यातील आहेत. यामध्ये आपल्या ग्रामीण भागातून अशा शिबिरासाठी निवड होणे ही अभिमानाची गोष्ट आहे, अशी माहिती प्राचार्या तेजश्री ठाणगावकर यांनी दिली.
