कोल्हार( जनता आवाज वृत्तसेवा ) :- दरवर्षी सालाबाद प्रमाणे कोल्हार भगवतीपुर महाशिवरात्रीनिमित्त विविध कार्यक्रमाचे नियोजन केले जाते.
कोल्हार भगवतीपुर येथील महाशिवरात्रीनिमित्त कोल्हार भगवतीपूर येथे महाशिवरात्र महोत्सव समितीने दि. ३ मार्च रोजी तालुकास्तरीय रांगोळी स्पर्धेचे आयोजन केले आहे, अशी माहिती महाशिवरात्र महोत्सव समितीने दिली.
कोल्हाळेश्वर मंदिरात दुपारी ४ वा. या स्पर्धा सुरु होईल. मोठ्या गटास प्रथम बक्षीस सुनील खर्डे यांच्याकडून ६ हजार, द्वितीय अनिल गरदरे यांच्याकडून ५ हजार, तृतीय अमृता ज्वेलर्स ४ हजार, चौथे अर्चना पंढरीनाथ खर्डे यांचे वतीने ३ हजार रुपये दिले जाणार आहे.
छोटा गटास प्रथम बक्षीस अजय देवकर यांच्याकडून ३,१००, द्वितीय प्राजक्ता कडस्कर २१००, तृतीय स्वप्निल लोखंडे यांच्या वतीने २ हजार, चौथे बक्षीस १ हजार रुपये स्माईल स्टोन झोन देणार आहेत. स्पर्धेसाठी रूपाली घुले, दीपाली भोसले, सोनाली राऊत, माधुरी म्हसे परीक्षक आहेत. स्पर्धेत नाव नोंदणीसाठी कोल्हार येथील महाशिवरात्री महोत्सव समिती कार्यकर्त्यांशी संपर्क करावा, असे आवाहन करण्यात आले आहे.
